திருவந்தாதி

“வையம் தகளியா வார்கடலே நெய்யாக வெய்ய கதிரோன் விளக்காகச் - செய்ய சுடர்ஆழியான் அடிக்கே சூட்டினேன் சொல்மாலை இடர்ஆழி நீங்குகவே என்று”
என்று பாடியவர் - பொய்கையாழ்வார்

• பொய்கையாழ்வார் காஞ்சிபுரத்திற்கு அருகிலுள்ள திருவெஃகா என்னும் ஊரில் பிறந்தவர்.
• நாலாயிரத் திவ்வியப் பிரபந்தத்தில் உள்ள முதல் திருவந்தாதி இவர் பாடியதாகும்.

“அன்பே தகளியா ஆர்வமே நெய்யாக இன்புரு சிந்தை இடுதிரியா - நன்புஉருகி ஞானச்சுடர் விளக்கு ஏற்றினேன் நாரணற்கு ஞானத்தமிழ் புரிந்த நான்”
என்று பாடியவர் - பூதத்தாழ்வார்

• பூதத்தாழ்வார் சென்னையை அடுத்துள்ள மாமல்லபுரத்தில் பிறந்தவர்.

• இவர் நாலாயிரத் திவ்வியப் பிரபந்தத்தில் இரண்டாம் திருவந்தாதியை இயற்றியுள்ளார்.

• சொல்லும் பொருளும்:
  • தகளி - அகல்விளக்கு
  • ஞானம் - அறிவு
  • நாரணன் - திருமால்
  இடர் என்பதன் பொருள் - துன்பம்

• திருமாலைப் போற்றிப் பாடியவர்கள் பன்னிரு ஆழ்வார்கள்.

• அவர்கள் பாடிய பாடல்களின்
  தொகுப்பு நாலாயிரத் திவ்வியப் பிரபந்தம் ஆகும்.

• இதனைத் தொகுத்தவர் நாதமுனி ஆவார்.

• பன்னிரு ஆழ்வார்களில் பொய்கையாழ்வார்,
  பூதத்தாழ்வார், பேயாழ்வார் ஆகிய மூவரையும் முதலாழ்வார்கள் என்பர்.